Description
Vir Gesie van die arm buurt is dit ‘n groot verrassing dat sy sangtalent het. Sy hoef nie meer skuldig te voel oor sy nie in sport uitblink nie, want sy kan sing! Die skilderagtige huis Villa Musica vorm ‘n opwindende agtergrond vir haar dagdrome wat gou blye vooruitsigte word. Haar verhouding met Anton kry ‘n romantiese kleur, en “prins” Wilmer van die ryk woonbuurt Glendene sien haar raak … Maar iets loop verkeerd, en dit word al hoe verkeerder, sonder dat Gesie mooi verstaan wat dit is. Daar kom verwydering, nie net tussen haar en Anton nie, maar ook tussen haar en haar huismense, skoolmaats en geliefkoosde onderwyseres.
