Description
Stories in die Wind deur Deidre Jantjies en Davin Andrew is ‘n besondere versameling van tien Khoena-verhale wat die minder bekende stories en tradisies van die Richtersveld, Namakwaland en Kalahari aan jong lesers bekendstel.
Die verhale bring ‘n unieke wêreld van mense, diere en natuurkragte tot lewe. Skilpad en Volstruis pak mekaar aan, Jakkals en Leeu moet leer saamwerk, en die Gariep se watergees verskyn in die vorm van ‘n vrou. Ander verhale vertel van die mense van Hoerikwaggo wat na //Hui !Gaeb trek, en ‘n ster wat vir ‘n ou man elke aand ‘n nuwe storie gee om te vertel.
Hierdie tien verhale bevat waardevolle kulturele herinneringe en tradisies, met temas wat jong lesers se verbeelding prikkel en hulle aan Suid-Afrika se inheemse erfenis bekendstel.
Die boek is geïllustreer deur Dav Andrew en Clinton Jones en is ‘n besonderse toevoeging tot ‘n versameling Afrikaanse kinderboeke.
Toestand: Baie goed
Formaat: Sagteband
Bladsye: 80
Uitgegee: September 2022, Tafelberg
Outeurs: Deidre Jantjies en Davin Andrew
Illustreerders: Dav Andrew en Clinton Jones
ISBN: 9780624093305












