Description
In die tyd van die Gif – Dana Snyman deel hy sy fyn waarnemings en belewenisse van die vreemdste tye wat ons nog beleef het. Die boek begin triomfantelik met die Springbokke wat die Rugbywêreldbeker wen, maar die atmosfeer verander vinnig wanneer die koronavirus toeslaan en die wêreld onderstebo keer. “Dinge is anders nou, meneer, in die tyd van die gif,” soos ’n ou oom vir Dana vertel.
In hierdie bundel beskryf Dana die eerste veertig dae van inperking, ’n laaste treinrit om ’n vriend te groet, en die dapperheid van dokters en verpleegsters op die voorlinie. Hy deel selfs sy eie stryd met Covid-19. Dana se kenmerkende fyn waarneming maak In die tyd van die Gif ’n noodsaaklike leeservaring vol pyn, verlies, geloof en ’n goeie skeut humor.
