Description
Annelie Botes se gehoor gaan nie teleurgesteld wees in Tabernakel nie, inteendeel: sy gaan beslis nog lesers wen. Wat aanvanklik as rubrieke vir die koerant aangepak is (lewendig, tersaaklik, openbarend, baie interessant en soms effe stout) word nou verweef in ‘n outobiografiese vertelling wat volg op die gewilde Sabbatsreis. Dis ‘n vlot relaas van die siels-wel en die siels-wee van ‘n deurleefde middeljarige wat aanstap na haar diep-middeljare. Dis Botes-op-sy-beste in haar meenthuiskompleks in North Riding, Port Elizabeth. ‘n Heerlike gesels-op-papier wat ou en nuwe lesers gaan oorrompel.
